Бидний нийгмийн хариуцлагын хүрээнд хийсэн нэг том хөрөнгө оруулалтын ажил нь хүүхэд залуучуудын мөрөөдөл болсон жилийн дөрвөн улиралд ажиллах боломжтой “Мөсөн өргөө” спорт цогцолбор юм.

Бидний нийгмийн хариуцлагын хүрээнд хийсэн анхны ажил нь баялаг бүтээгч Ажилтандаа болон “Эрдэнэт үйлдвэр” ТӨҮГ -ын Ажилтанд зориулан гаргасан Давуу эрхийн хувьцаа юм.

Эрдэнэт хотын ногоон байгууламжийг нэмэгдүүлэх, хүүхэд залуусыг амралт, чөлөөт цагаа зөв боловсон өнгөрүүлэх таатай орчныг бий болгох зорилгоор бид өөрсдийн нэрэмжит “Цэцэрлэгт хүрээлэн”-г 5 га талбайд байгуулах төслийг санаачлан, 2020 оноос Орхон аймгийн Засаг даргын Тамгын газартай хамтран ажиллаж байна.

Бид “Үүсмэл ордыг ашиглах бодлогын хэрэгжилт, туршлага, чиг хандлага” сэдвээр анх удаа 2019 онд Эрдэм шинжилгээ, онол практикийн бага хурлыг санаачлан, салбарын яам, агентлаг, эрдэмтэн болон судлаач, мэргэжилтэн, үйлдвэрийн туршлагатай инженер, ажилтныг оролцуулан онол, практикийн олон илтгэлийг өндөр түвшинд хэлэлцүүлэн, амжилттай зохион байгуулсан.

Би катодын зэсийн үйлдвэрийн хэвий, тасралтгүй үйл ажиллагааг хангахдаа чанартай бараа материал, бүтээгдэхүүн, ажил үйлчилгээг бизнесийн ёс зүйтэй, ашиг сонирхлыг зөрчилгүй, нээлттэй, ил тод зохион байгуулж, өрсөлдөхүйц үнээр нийлүүлэх боломжийг бизнес эрхлэгчдэд тэгш олгоно.

Ковид-19 цар тахлын халдвараас урьдчилан сэргийлэх ажлыг дэмжин 110 сая төгрөгийг Улсын болон Орхон аймгийн Онцгой комисст хандивласан.